ಮಂಗಳೂರು : ಶಕ್ತಿನಗರದಲ್ಲಿರುವ ಶಕ್ತಿ ವಿದ್ಯಾಸಂಸ್ಥೆಯ ಅಂಗ ಸಂಸ್ಥೆ ’ಶಕ್ತಿ ಎಡ್ವಾನ್ಸ್‌ಡ್ ಲರ್ನಿಂಗ್ ಅಕಾಡೆಮಿ’ಯು ಜೂನ್ ತಿಂಗಳಿನಿಂದ ವರ್ಷ ಪೂರ್ತಿ ಶಕ್ತಿ ರೆಸಿಡೆನ್ಶಿಯಲ್ ಶಾಲೆ ಮತ್ತು ನಗರದ ಇತರೆ ಶಾಲೆಗಳ ಹೈಸ್ಕೂಲ್ (8, 9 ಮತ್ತು 10ನೇ) ತರಗತಿಯ ವಿದ್ಯಾರ್ಥಿಗಳಿಗೆ ಪ್ರತಿ ದಿನ ಸಂಜೆ 4.30 ರಿಂದ 6 ಗಂಟೆಯವರೆಗೆ ಶಕ್ತಿ ಶಿಕ್ಷಣ ಸಂಸ್ಥೆ ಮತ್ತು ಬಿಕರ್ನಕಟ್ಟೆಯ ಶಕ್ತಿ ಎಡ್ವಾನ್ಸ್‌ಡ್ ಲರ್ನಿಂಗ್ ಸಂಸ್ಥೆಯಲ್ಲಿ NEET/JEEಯ ತರಗತಿಯನ್ನು ಪ್ರಾರಂಭಿಸುತ್ತಿದೆ. ಪಿ.ಸಿ.ಎಂ.ಬಿ. ವಿಷಯಗಳಿಗೆ ತರಬೇತಿ ನೀಡಲಾಗುವುದು. ಪ್ರತಿ ವಿಷಯಕ್ಕೆ 80 ಗಂಟೆಗಳು ಮೀಸಲಿರಿಸಲಾಗಿರುತ್ತದೆ. ಪ್ರತೀ ವಾರದ ಕೊನೆಯಲ್ಲಿ ಪರೀಕ್ಷೆಗಳನ್ನು ನಡೆಸಲಾಗುವುದು. ಈ ಪರೀಕ್ಷೆಗಳು ಮತ್ತು ತರಬೇತಿಗಳು ಪಿ.ಯು. ಹಂತದ ಕೋಚಿಂಗ್ ರೀತಿಯಲ್ಲೆ ನಡೆಸಲಾಗುವುದು. ಇಂದಿನ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಸಾಧನೆ ಮಾಡಲು ಹೈಸ್ಕೂಲ್‌ನಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ ಇದು ಸಹಕಾರಿಯಾಗಲಿದೆ.
ಈ ತರಗತಿಯನ್ನು 12 ರಿಂದ 25 ವರ್ಷಗಳ ಕಾಲ ವಿಜ್ಞಾನ ವಿಭಾಗದ ಕೋಚಿಂಗ್ ನೀಡಿ ಅನುಭವವಿರುವ ನಾಗಾರ್ಜುನ್ ಎಸ್., ಎಮ್ ವೆಂಕಟೇಶ್ವರ ರೆಡ್ಡಿ, ವಿ. ರಾಜಕುಮಾರ ರೆಡ್ಡಿ, ವಿ ವರುಣ್ ಕುಮಾರ್ ಮತ್ತು ಸಂಪತ್ ಕುಮಾರ್ ಉಪನ್ಯಾಸಕರು ನಡೆಸಲಿದ್ದಾರೆ. ಈ ಅವಕಾಶವನ್ನು ನಗರದ ವಿದ್ಯಾರ್ಥಿಗಳು ಉಪಯೋಗಿಸಿಕೊಳ್ಳಬೇಕೆಂದು ಈ ಮೂಲಕ ವಿನಂತಿ ಮಾಡಿಕೊಳ್ಳುತ್ತಿದ್ದು, ದಿನಾಂಕ 31-5-2024 ರಂದು ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿರುತ್ತದೆ. ಅರ್ಜಿ ಸಲ್ಲಿಸಿದ ವಿದ್ಯಾರ್ಥಿಗಳಿಗೆ2-6-2024 ರಂದು ಶಕ್ತಿ ವಿದ್ಯಾ ಸಂಸ್ಥೆಯಲ್ಲಿ ಲಿಖಿತ ಪರೀಕ್ಷೆಯನ್ನು ಆಯೋಜಿಸಲಾಗುತ್ತದೆ.
ಹೆಚ್ಚಿನ ಮಾಹಿತಿಗಾಗಿ ಶಕ್ತಿ ವಿದ್ಯಾ ಸಂಸ್ಥೆಯ ಕಚೇರಿ ಅಥವಾ ಮೊಬೈಲ್ ಸಂಖ್ಯೆ 9686000046/6364875036 ನ್ನು ಸಂಪರ್ಕಿಸಬೇಕಾಗಿ ವಿನಂತಿ.
